Штотыдзень у эфіры тэлеканала «Беларусь 3» гульня «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgomel.by або 3belarus.by і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды». Ці ведалі вы, што:
бразго́тка (размоўнае) — дзіцячая цацка, якая ўтварае шум. Раней такая цацка была ў выглядзе скрыначкі з каменьчыкамі або шарыкамі ўнутры;
дойлід — спецыяліст у галіне архітэктуры;
ка́даўб — драўляная пасудзіна, выдзеўбаная з тоўстай калоды;
лёк — селядзечны расол;
прыма́к — муж, якога прынялі ў сям'ю жонкі;
смара́гд — ізумруд. Паходзіць ад грэчаскага smaragdos;
перавярнуць душу — вельмі моцна ўзрушыць, расхваляваць. Беларускія сінонімы: перавярнуць нутро, развярэдзіць рану. Рускі адпаведнік: вымотать всю душу;
змяніць шыла на мыла — зрабіць нешта неабдумана; выбраць горшае з магчымага. Беларусы яшчэ скажуць: памяняць быка на індыка, рускія: поменять горшки
на глину.
Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.
Ірына АСТАШКЕВІЧ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.