Вы тут

«Белагра-2017»: убачым сапернікаў і знойдзем партнёраў


Міжнародная спецыялізаваная выстаўка «Белагра-2017» ужо не першы год збірае на адной пляцоўцы лепшых бізнесменаў нашай краіны ў аграрнай сферы, а таксама запрашае ў госці прадстаўнікоў СНД, блізкага і далёкага замежжа. Як адзначыў прэм'ер-міністр Андрэй Кабякоў падчас адкрыцця выстаўкі, важна паказаць навінкі айчыннай прадукцыі, убачыць прапановы партнёраў, сяброў, сапернікаў па бізнесе і зрабіць крокі для далейшага супрацоўніцтва.


«Упэўнены ў тым, што наша выстаўка і ў наступныя гады будзе запрашаць да сябе гасцей, будзе запатрабаваная, будзе той пляцоўкай, на якой можна зверыць гадзіннікі і зрабіць высновы для далейшага развіцця і павышэння эфектыўнасці сваёй дзейнасці», — адзначыў Андрэй Кабякоў.

Падчас адкрыцця міжнароднай выстаўкі прэм'ер-міністр таксама нагадаў, што Беларусь уваходзіць у пяцёрку найбуйнейшых краін-экспарцёраў малочнай прадукцыі. «Для таго каб займаць гэта важнае месца ў сусветнай вытворчасці, падтрымліваць яго і ўзмацняць свае пазіцыі, неабходна пастаянна працаваць над сабой, знаходзіцца на перадавых рубяжах навукі, заўсёды адпавядаць канкурэнцыі, якую прапаноўваюць партнёры на рынках як унутры, так і па-за межамі нашай краіны», — падкрэсліў ён.

Удзел у «Белагра-2017» бяруць кампаніі з Аўстрыі, Балгарыі, Венгрыі, Вялікабрытаніі, Італіі, Кітая, Латвіі, Літвы, Расіі. Асобнымі экспазіцыямі прадстаўлены прадпрыемствы Малдовы, Германіі, Грузіі, Чэхіі, Польшчы.На выстаўцы можна азнаёміцца з перадавымі кірункамі ў развіцці раслінаводства, жывёлагадоўлі і птушкагадоўлі, сучаснымі тэхналогіямі перапрацоўкі, упакоўкі і захоўвання прадукцыі, а таксама з сельгастэхнікай. У рамках форуму арганізаваны міжнародныя спецыялізаваныя выстаўкі «Белферма», «Белпрадукт», «Харчовая індустрыя», «Прадмаш. Холад. Упак». Праграмай прадугледжаны канферэнцыі, семінары, прэзентацыі, майстар-класы.

Ілья КРЫЖЭВІЧ

krуzhеvісh@zvіаzdа.bу

Фота БЕЛТА

Загаловак у газеце: Убачым сапернікаў і знойдзем партнёраў

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.