Выдавецкі дом «Звязда» і Беларускі саюз журналістаў працягваюць сумесны творчы конкурс «Спадчына». Ён прымеркаваны да 500-годдзя беларускага кнігадрукавання. Удзельнічаць у ім могуць рэгіянальныя і карпаратыўныя выданні краіны.
На суд журы будуць вынесены работы, якія ўбачаць свет да 30 чэрвеня. Іх неабходна падаць у Камітэт па прэміях і прафесійнай этыцы журналіста. Публікацыі можна прынесці асабіста або даслаць па пошце на адрас: 220013, г. Мінск, вул. Сурганава, 48а, Беларускі саюз журналістаў. Часу на гэта засталося не так і шмат — да 15 ліпеня.
Лаўрэаты конкурсу будуць вызначаны па шасці намінацыях. Журы адбярэ найлепшае карпаратыўнае і рэгіянальнае выданне, дзе асвятляецца тэма юбілею айчыннага кнігадрукавання, і публікацыі ў іх, а таксама фотасюжэт і літаратурны твор. Цырымонія ўзнагароджвання адбудзецца на Дні беларускага пісьменства ў Полацку. Пераможцам уручаць дыпломы ГА «БСЖ» і каштоўныя падарункі.
Плануецца, што ў Выдавецкім доме «Звязда» пры падтрымцы Міністэрства інфармацыі выйдзе зборнік найлепшых матэрыялаў конкурсу. Палажэнне аб конкурсе глядзіце тут.
Нагадваем таксама нашым чытачам, што вы яшчэ паспяваеце прыняць удзел у віктарыне «Мая Скарыніяна», якую «Звязда» праводзіць сумесна з Нацыянальнай бібліятэкай. Пераможцаў чакае бясплатная падрабязная экскурсія па галоўнай кніжнай скарбніцы краіны. Адказы на пытанні першага тура прымаюцца па 10 чэрвеня.
Валяр'ян ШКЛЕННІК
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
