«Мара ты мая светлазорая»

Песні беларускага кампазітара Леаніда Захлеўнага карыстаюцца вялікім поспехам не толькі ў Беларусі, але і за яе межамі. Іх вылучае яркі меладызм, тонкае адчуванне гармоніі і паэзіі, натуральная прастата і пранікнёнасць.

Сёння мы прапануем чытачам «Звязды» адну з новых песень кампазітара на словы паэта Леаніда Пранчакі «Самая жаданая», якая мае адметныя рысы, уласцівыя ўсёй яго музыцы.

САМАЯ ЖАДАНАЯ

Голас твой мілей мне за салаўя.

Чуе дзіўны спеў неба і зямля.

Ён са мной паўсюль, ён са мной заўжды.

Песняй светлаю льецца праз гады.

Самая жаданая, ты, мая каханая,

Мара ты мая светлазорная.

Самая жаданая, лёсам дараваная,

Ты — любоў мая непаўторная.

Сінь вачэй тваіх, сэрца дабрыня.

Я ў цябе адзін, ты ў мяне адна.

Ласка і спакой сонцам нада мной,

Любая мая, мілая мая.

Самая жаданая, ты, мая каханая,

Мара ты мая светлазорная.

Самая жаданая, лёсам дараваная,

Ты — любоў мая непаўторная.

Кожны новы дзень быць хачу з табой.

Ранняю вясной. Снежнаю зімой.

Покуль дасць Гасподзь, покуль сам змагу,

Я любоў маю ў сэрцы зберагу.

Рубрыку вядзе кампазітар Уладзімір КАРЫЗНА