Пра гэта дэпутат Вярхоўнай рады расказала ў інтэрв'ю выданню «Krytyka Polіtyczna».
«Я гатова ўзяць на сябе адказнасць за краіну і выставіць сваю кандыдатуру на прэзідэнцкіх выбарах. У парламенцкіх выбарах будзе ўдзельнічаць мая палітычная сіла», — цытуе словы Саўчанкі Gordon.ua.
Дэпутат растлумачыла, што ў парламенцкіх выбарах прыме ўдзел партыя «Грамадзянская платформа Надзеі Саўчанкі», якая, на яе думку, «павінна дэмантаваць нездаровую палітычную сістэму» і «перабудаваць дзяржаўную архітэктуру».
Таксама дэпутат прызналася, што яе праект будзе мець падтрымку алігархаў і СМІ.
Саўчанка, якая раней была асуджана ў Расіі па справе аб забойстве журналістаў у Данбасе і якая была памілавана прэзідэнтам Пуціным, — пазафракцыйны дэпутат Вярхоўнай рады. У снежні мінулага года ўкраінскія палітыкі раскрытыкавалі яе за паездку ў Мінск, дзе яна сустрэлася з кіраўнікамі ДНР і ЛНР. Пасля гэтага Саўчанку выключылі з фракцыі «Бацькаўшчына» і дэлегацыі ПАСЕ.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
