Праваахоўнікі затрымалі загадчыка аддзялення адной са сталічных медыцынскіх устаноў, які займаўся збытам забароненых для рэалізацыі медыцынскіх прэпаратаў. Такая інфармацыя размешчана на сайце ГУУС Мінгарвыканкама.
Пры ператрусе ў кватэры затрыманага было знойдзена 404 таблеткі, сярод якіх лекавыя сродкі, якія змяшчаюць марфін, і таблеткі трамадола. Таксама аператыўнікі канфіскавалі 7 ампул дыязепама. "Было ўстаноўлена, што зламыснік збываў прэпараты асобам, якія былі асуджаны за незаконны абарот наркатычных сродкаў і псіхатропных рэчываў, а таксама грамадзянам, якія раней праходзілі ў яго лячэнне", - адзначылі ў ГУУС.
Зараз у дачыненні да медработніка ўзбуджаная крымінальная справа па ч.3 арт.328 КК (незаконны абарот наркатычных сродкаў, псіхатропных рэчываў, іх прэкурсораў і аналагаў). Санкцыя названай частцы артыкула прадугледжвае адказнасць у выглядзе пазбаўлення волі тэрмінам да 13 гадоў.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
