У сталіцы чарговы раз прайшоў нацыянальны фінал міжнароднага міжуніверсітэцкага конкурсу грацыі і артыстычнага майстэрства «Каралева Вясна — 2017». За галоўны тытул у творчых і інтэлектуальных спаборніцтвах змагаліся пятнаццаць прадстаўніц ВНУ з розных рэгіёнаў краіны. Дзяўчаты дэманстравалі гледачам і журы сваю сцэнічную культуру, уменне камунікаваць з аўдыторыяй, веданне этыкету, пачуццё гумару, грацыю, інтэлектуальныя і творчыя здольнасці, артыстычнае майстэрства і, вядома, знешнія даныя.
Нацыянальны фінал уяўляў з сябе тэатралізаванае прадстаўленне, асноўнай тэмай якога быў Год навукі. Па задуме арганізатараў, маладыя вучоныя і адначасова вядучыя шоу знаходзіліся ў пошуку формулы прыгажосці, а канкурсанткі дапамагалі ім у эксперыментах. Так, у інтэлектуальным конкурсе ў фармаце бліц-інтэрв'ю кожная з дзяўчат павінна была расказаць, якімі яна бачыць навуковыя дасягненні Беларусі ў 3017 годзе. Да тэмы навукі былі прывязаны і дэфіле — у адным з іх кожная ўдзельніца прымерала на сябе адзенне са спецыяльнай «касмічнай» калекцыі. А ўсяго юныя прыгажуні дэфіліравалі па сцэне ажно пяць разоў!
У выніку галоўныя прызы конкурсу адправіліся ў рэгіёны. Абсалютным пераможцам і ўладальніцай тытулу «Каралева Вясна Беларусі — 2017» стала студэнтка чацвёртага курса Віцебскага дзяржаўнага тэхналагічнага ўніверсітэта Сняжана Міхейцава (на здымку). Званне «Першай віцэ-Каралевы Вясны» заваявала першакурсніца Гродзенскага дзяржаўнага ўніверсітэта імя Янкі Купалы Алёна Янко. Менавіта гэтыя дзве дзяўчыны прадставяць нашу краіну ў фінале міжнароднага конкурсу, які сёлета пройдзе ў Расіі. Трэцяе месяца і тытул «Другая віцэ-Каралева Вясна» дасталіся прадстаўніцы Полацкага дзяржаўнага ўніверсітэта Хрысціне Нікіфаравай.
Яраслаў ЛЫСКАВЕЦ
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.