Вы тут

Герой нашага часу ў кіно: хто ён?


Вобраз героя ствараецца стыхійна і фарміруецца праз выпадковасці і збег абставін. Так лічаць удзельнікі круглага стала "Герой нашага часу ў кіно: хто ён?", якія разважалі пра ролю героя ў жыцці грамадства і адпаведнасць яго іпастасі патрэбам сучаснасці.


— Герой нашага часу ў кіно — гэта дастаткова аб’ёмнае паняцце, гэта не ідэал нашага часу, а прадстаўнік унутранай чалавечай арганізацыі, якая абумоўлена пэўным часам і жыццёвымі рэакцыямі. Гэта не бог, на якога трэба раўняцца, — выказаўся Сяргей ПУСКЕПАЛІС, акцёр кіно, рэжысёр, заслужаны артыст Расіі, якога часта і атаясамліваюць з сучасным мужчынскім вобразам героя ў кіно. — Фарміраванне вобразу – працэс не спецыяльны, не навукападобны, ён залежыць ад збегу абставін, выпадковасцяў.

Таццяна АРЛОВА, тэатральны крытык, прафесар, доктар філалагічных навук, дацэнт па спецыяльнасці "журналістыка" ў сваіх работах заўжды падкрэслівала, што герой неабходны:

— Аднак сфарміраваць яго вобраз спецыяльна цяжка, бо і ў кіно, і ў тэатры адбываецца стыхійны працэс. Ён заўжды мяняецца, заўжды з’яўляецца нешта новае і нечаканае.

Старажытны герой — чалавек, ад учынку якога залежыць жыццё іншага чалавека ці грамадства. А ў сучасным выглядзе герой — чалавек, які сваім учынкам утрымлівае справы і словы, праўду і справядлівасць. Або проста — носьбіт сумлення. Так лічыць Георгій МАРЧУК, пісьменнік, сцэнарыст, драматург, лаўрэат Дзяржаўнай прэміі Беларусі:

— Героі створаны не намі. Ва ўсіх творах закладзена: спачатку ў цэнтры герой, а ўжо вакол яго фарміруецца асяродак. Пачалося гэта яшчэ з Праметэя, які скраў агонь для людзей і стаў героем, ад Спартака, які ўзняў паўстанне і стаў героем. Цяперашнія героі часта адстойваюць дабрыню, міласэрнасць, спачуванне. І сучасны кінематограф паціху вяртаецца ад пошласці і здзекаў над любым нацыянальным характарам да ўтрымання духоўнасці чалавека.

Стварыць ідэальны вобраз героя, які будзе жыць у стагоддзях, а яго ўчынкі не стануць па-іншаму пераацэньвацца нашчадкамі, немагчыма. Аднак вымалёўваць сучасны вобраз кінагероя, які ўплывае на грамадства, трэба з улікам патрабаванняў людзей і іх памкненняў, каб яны маглі ўспрымаць яго, а не заставацца раўнадушнымі.

Ірына СІДАРОК

Фота Яўгена ПЯСЕЦКАГА

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.