Першыя электробусы ў Мінску будуць хадзіць па маршруце тралейбуса №59 «ДС Сярова — Даўгабродская». Як паведамілі на прадпрыемстве «Мінсктранс», яны пачалі перавозіць пасажыраў з 12 мая.
Усяго на балансе тралейбуснага парка №2 знаходзяцца шэсць электробусаў, чатыры з іх выйшлі на лінію. Астатнія будуць задзейнічаны ў найбліжэйшы час. Для пацвярджэння аплаты праезду прымяняюцца білеты на адну паездку і электронныя білеты, у складзе якіх адзін з відаў транспарту — тралейбус. Новую тэхніку для сталіцы вырабіў «Белкамунмаш». Дзякуючы адсутнасці выкіду шкодных рэчываў, нізкаму ўзроўню шуму і выкарыстанню чыстых крыніц энергіі электробусы лічацца «зялёным» транспартам ХХІ стагоддзя. Для зарадкі электробуса не патрабуецца падключэнне да ліній электраперадачы —
на канцавым прыпынку ўсталёўваецца зарадны слуп.
Сяргей РАСОЛЬКА
Фота БЕЛТА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
