У Маскве ў Дзелавым і культурным комплексе Пасольства Рэспублікі Беларусь у Расійскай Федэрацыі 5 чэрвеня пройдзе круглы стол Міністэрства інфармацыі нашай краіны, прысвечаны пытанням гуманітарнага, медыйнага супрацоўніцтва Беларусі з краінамі Садружнасці Незалежных Дзяржаў.
Да размовы пра міждзяржаўныя культурныя, літаратурныя стасункі запрошаны беларускія і расійскія пісьменнікі, дзеячы культуры і мастацтва, кіраўнікі мас-медыя краін СНД. Сваімі меркаваннямі па розных праблемах, вырашэнне якіх аднолькава важнае і для Беларусі, і для Расіі, падзеляцца дырэктар выдавецтва «Художественная литература» Георгій Прахін, галоўны рэдактар «Роман-газеты» Юрый Казлоў, старшыня ФНКА «Беларусы Расіі» Сяргей Кандыбовіч, дырэктар выдавецтва «Мастацкая літаратура» Алесь Бадак, галоўны рэдактар часопіса «Нёман» Аляксей Чарота і іншыя. А ў пярэдадзень круглага стала — 3 чэрвеня — беларускія кнігавыдаўцы адкрыюць свой стэнд на прэстыжнай выстаўцы «Кнігі Расіі», якая па традыцыі пройдзе на Краснай плошчы расійскай сталіцы. Сярод навінак, якія прывязуць у Маскву беларускія выдаўцы, арганізатары кніжнага гандлю, — кнігі пра Францыска Скарыну, выданні, прысвечаныя 500-годдзю беларускага кнігадрукавання.
Сяргей ШЫЧКО
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
