Вы тут

МУС: у краіне выкрыты аптовыя наркапастаўшчыкі


У розных рэгіёнах краіны прайшлі затрыманні прадстаўнікоў крымінальнай структуры, якія забяспечвалі функцыянаванне вядомай інтэрнэт-пляцоўкі па продажы "дызайнерскіх" наркотыкаў, спайсаў. У спісе арыштаваных больш за 20 чалавек. Пра гэта паведамляе сайт Міністэрства ўнутраных спраў.


"Супрацоўнікі падраздзяленняў па наркакантролі і супрацьдзеянні гандлю людзьмі органаў унутраных спраў Беларусі ў выніку працяглай аператыўнай распрацоўкі рэалізавалі серыю спецмерапрыемстваў па ліквідацыі шырокай сеткі збытчыкаў псіхатропных рэчываў. Арыштаваныя прадстаўнікі асноўнага касцяка крымінальнай структуры, пачынаючы з ключавых звёнаў — аптовых пастаўшчыкоў "тавару" ў нашу краіну, а таксама пасярэднікі, адказныя за канкрэтныя рэгіёны, дробныя дылеры і "менеджэры" сярэдняга звяна, тыя, хто "закладваў"тавар". Дзякуючы праваахоўнікам да спажыўцоў не дайшлі кілаграмы псіхатропаў, а гэта дзясяткі тысяч доз. Затрыманні праводзіліся ў сталічнай вобласці, а таксама на Гомельшчыне, Магілёўшчыне, Віцебшчыне і ў Мінску. Лік канфіскаваных наркотыкаў і псіхатропаў вылічаецца кілаграмамі. Вядома, што затрыманыя дзейнічалі пад кіраўніцтвам арганізатараў інтэрнэт-крам па збыце псiхатропных рэчываў, якія кіруюцца з-за межаў Беларусі. Пра сур'ёзны ўдар праваахоўнікаў па наркабізнесу красамоўна кажа запіс, які з'явіўся ў сацсетках: "Усім прывітанне, у Рэспубліцы Беларусь больш не працуем. Пераехалі ў Расійскую Федэрацыю з усёй камандай. Па пытаннях працаўладкавання і пераезду ў Расію...".

МУС выйшла з хадайніцтвам аб аб'яднанні распачатых па ўсёй краіне крымінальных спраў, звязаных з названай наркасеткай, у адну вытворчасць на ўзроўні цэнтральнага апарата Следчага камітэта, паведамляецца на сайце МУС.

Сяргей РАСОЛЬКА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».