Міжнародны злёт піянераў «Заўсёды гатовы!», прысвечаны 95-годдзю піянерскага руху, пройдзе 19—20 мая ў Мінску.
Удзел у ім возьмуць прадстаўнікі Міжнароднага саюза грамадскіх аб'яднанняў «Саюз піянерскіх арганізацый — Федэрацыя дзіцячых арганізацый», піянерскіх арганізацый СНД, ветэраны піянерскага руху, фіналісты рэспубліканскіх конкурсаў і партнёры Беларускай рэспубліканскай піянерскай арганізацыі.
Цэнтральнымі мерапрыемствамі злёту стануць рэспубліканскі конкурс «Суперважаты» сярод старшых важатых піянерскіх дружын, хіт-парад «Піянерская дваццатка», ІV рэспубліканскі збор «Я піянер сваёй краіны!», прысвечаны дню піянерскай дружбы. У праграме злёту — міжнародная выстаўка «Піянерыя — цудоўная краіна», жывы альманах «Летапіс піянерыі». Таксама будзе працаваць піянерская гасцёўня «Літаратурны вернісаж» пры ўдзеле выдавецтва «Чатыры чвэрці» і Саюза пісьменнікаў Беларусі. Адбудзецца тэатралізаванае прадстаўленне «Рэспубліка тысячы зорак».
БРПА аб'ядноўвае ў сваіх шэрагах больш як 650 тысяч піянераў і акцябрат і з'яўляецца адной з самых масавых дзіцячых арганізацый у Беларусі. Асноўныя напрамкі яе дзейнасці — грамадзянска-патрыятычнае і духоўна-маральнае выхаванне, сацыяльная абарона дзяцей і падлеткаў, дабрачыннасць, развіццё спорту і турызму, абарона навакольнага асяроддзя.
«Візітнай карткай» беларускіх піянераў з'яўляюцца ваенна-патрыятычная гульня «Зарніца», агляд-конкурс піянерскіх агітбрыгад «Запалі вогнішча дабрыні», рэспубліканскія конкурсы «Піянер года», «Суперзорачка», турнір па піянерболе, гульня для акцябрат «Пароль — акцябронак», працоўная акцыя «Наша піянерская праца табе, Айчына!» Піянеры і акцябраты актыўна ўдзельнічаюць у адроджаным цімураўскім руху: праводзяцца рэспубліканскія акцыі «Ветэран жыве побач», «Ніхто не забыты», «Абеліск». Вынікам рэалізацыі праекта «Ніколі не забудзем. Унукі пра вайну» стала выданне кнігі, якая ўключае 73 творы юных аўтараў.
Надзея НІКАЛАЕВА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».