Яна будзе доўжыцца да 1 чэрвеня ўключна. Па стану на 9.00 5 мая на ЦТ зарэгістраваліся па краіне 7 168 абітурыентаў. Як і чакалася, большасць рэгіструецца адразу на чатыры прадметы. Такая магчымасць з’явілася ў прэтэндэнтаў на студэнцкі білет упершыню, і ніхто не хоча яе ўпускаць, каб павысіць свае шанцы на паступленне. Лідзіруюць па колькасці аформленых на ЦТ пропускаў руская мова і матэматыка.
Усяго па краіне дзейнічае 41 пункт рэгістрацыі на цэнтралізаванае тэсціраванне. Адзін з іх — у Беларускім дзяржаўным універсітэце (на фота). Усе яны падключаны да аўтаматызаванай сістэмы “Агульнарэспубліканскі банк звестак удзельнікаў ЦТ”. Сістэма працуе па прынцыпе “аднаго акна”: сама шукае свабодныя пасадачныя месцы і падказвае рэгістратару, у якіх навучальных установах можна здаць тыя ці іншыя прадметы.
У пункт рэгістрацыі на ЦТ абітурыент павінен прыйсці з пашпартам (непратэрмінаваным!) або іншым дакументам, што пацвярджае яго асобу (гэта можа быць пасведчанне на права жыхарства, пасведчанне бежанца ці афіцыйная даведка, якая выдаецца органамі ўнутраных спраў у выпадку страты ці крадзяжу дакумента, што пацвярджае асобу). Ніякія іншыя дакументы, у тым ліку пасведчанне кіроўцы, для рэгістрацыі не падыходзяць.
Трэба мець на ўвазе, што пропуск для ўдзелу ў цэнтралізаваным тэсціраванні лічыцца зарэгістраваным, калі на ім маецца пячатка ўстановы, вызначанай пунктам рэгістрацыі на ЦТ, подпіс упаўнаважанага прадстаўніка пункта рэгістрацыі і ўказаны рэгістрацыйны нумар.
Экзаменацыйная кампанія стартуе ў краіне 12 чэрвеня— у гэты дзень абітурыенты будуць здаваць на ЦТ беларускую мову.
Надзея НІКАЛАЕВА
Фота Марыны БЕГУНКОВАЙ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.