Міжнародны чэмпіянат па спідкубінгу (зборка кубіка Рубіка на хуткасць) “BSU Cubing Day’s” прайшоў у Беларускім дзяржаўным універсітэце. У ім узялі ўдзел каля 70 студэнтаў і школьнікаў з Беларусі, Украіны і Расіі.
Нацыянальны рэкорд ў катэгорыі “Пірамінкс” (4,67 секунды) устанавіў другакурснік Полацкага дзяржаўнага ўніверсітэта Уладзіслаў Пятніца.
Студэнт другога курса факультэта радыёфізікі і камп'ютарных тэхналогій БДУ Павел Юшкевіч, рэкардсмен леташніх спаборніцтваў па спідкубінгу, у гэты раз заняў два першыя месцы па зборцы кубіка Рубіка у катэгорыях 2х2х2 (2,87 секунды) і 3х3х3 адной рукой ( 14, 90 секунды).
Міжнародны чэмпіянат па спідкубінгу праводзіўся ў другі раз. Удзельнікі прайшлі выпрабаванні ў розных дысцыплінах, пачынаючы ад зборкі кубіка Рубіка 2х2х2, заканчваючы кубікам Рубіка 7х7х7, а таксама зборкай некалькіх кубікаў Рубіка з закрытымі вачыма, адной рукой і нагамі. Акрамя класічных кубічных галаваломак, спаборніцтвы праходзілі таксама па зборцы пірамідкі Рубіка (4 грані) і мегамінкса (12 граняў).
Арганізатарам Міжнароднга чэмпіянату па спідкубінгу “BSU Cubing Day’s” выступіла ўпраўленне выхаваўчай работы з моладдзю БДУ.
Надзея НІКАЛАЕВА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
