Савет Рэспублікі Нацыянальнага сходу шостага склікання на чарговым пасяджэнні другой сесіі прыняў да ведама Дэкрэт № 2 ад 27 лютага 2017 года, які ўносіць змяненні ў парадак дзяржаўнай рэгістрацыі і ліквідацыі суб'ектаў гаспадарання. Міхаіл Мясніковіч, старшыня Савета Рэспублікі, назваў дакумент як ніколі актуальным.
«У Пасланні Прэзідэнт таксама ўдзяліў шмат увагі лібералізацыі прадпрымальніцкай дзейнасці, работы з інвестарамі, справаздачнасці», — адзначыў ён. Менавіта з гэтымі сферамі напрамую звязаны дэкрэт. На думку спікера верхняй палаты беларускага парламента, кантрольныя органы як мінімум не павінны перашкаджаць развіццю бізнесу і прыходу інвестараў.
Міністр юстыцыі Беларусі Алег Сліжэўскі лічыць, што парадак дзяржаўнай рэгістрацыі і ліквідацыі суб'ектаў гаспадарання ў Беларусі з'яўляецца адным з прыярытэтных кірункаў дзяржаўнага рэгулявання. У мэтах скарачэння адміністрацыйных працэдур і паскарэння пачатку ажыццяўлення прадпрымальніцкай дзейнасці дэкрэтам прадугледжана магчымасць адкрыцця банкаўскага разліковага рахунку адначасова з рэгістрацыяй суб'екта гаспадарання на падставе прадстаўлення рэгіструючага органа. Шэраг мер прапісаны дакументам і для паляпшэння інвестыцыйнага клімату.
Вераніка ПУСТАВІТ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».