Вы тут

Пра героя-звяздоўца расказвае музей


Семдзесят пяць гадоў таму загінуў Герой Савецкага Саюза Уладзімір Амельянюк — у той час ён рэдагаваў газету «Звязда», якую падпольшчыкі выпускалі ў акупаваным гітлераўцамі Мінску.


У музеі Самахвалавіцкай сярэдняй школы шмат матэрыялаў пра славутага журналіста-падпольшчыка. Уладзімір Амельянюк вучыўся ў гэтай школе. Адсюль ён пераехаў у Мінск, дзе з часам пачаў працаваць, працягваў вучыцца. Гісторыя Самахвалавіцкай школы налічвае больш за 150 гадоў. Сярод тых, хто атрымаў тут свае першыя веды, шмат славутых землякоў адзначаных працоўнымі і баявымі ўзнагародамі. У гонар Героя Савецкага Саюза Уладзіміра Амельянюка перад школаю ўстаноўлены помнік.

Мы запрашаем нашых чытачоў на невялікую фотаэкскурсію па школьным музеі. На фота вы бачыце кнігі пра героя-звяздоўца, архіўны здымак хаты ў Мінску (у час вайны тут жыла сям'я Амельянюкоў), экспазіцыю з дакументамі пра гераічнаю барацьбу супраць захопнікаў. Фотаальбом «Мая вайна», які з цікавасцю разглядаюць вучні, — таксама экспанат музея. Гэта рэдкае выданне падарылі школьнікам журналісты газеты «Звязда». Аўтару здымкаў у альбоме франтавому карэспандэнту Васілю Аркашову давялося прайсці доўгімі дарогамі вайны. Шматлікія фота з франтавога архіва ён прыносіў у рэдакцыю нашай газеты, і «Звязда» заўжды знаёміла з імі сваіх чытачоў.

Яўген ПЯСЕЦКІ

pyasecki@zviazda.by

Фота аўтара

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».