Тэлеканал «Беларусь 1» вырашыў працягнуць міжнародны турыстычны праект «Вялікі сэлфі-тур», вядучыя якога — заўзяты вандроўнік Уладзімір Богдан і «сталічная штучка» Надзея Цімафеева — увесь мінулы сезон адкрывалі для гледачоў новыя маршруты як у Беларусі, так і ў самых аддаленых кутках свету. Як падлічылі аўтары праекта, з кастрычніка мінулага года ў пагоні за відовішчнымі кадрамі вядучыя зрабілі каля 500 тысяч сэлфі!
Сёлета з 6 мая суботнія тэлепадарожжы працягнуцца. Першы выпуск «Вялікага сэлфі-тура» прысвечаны адпаведна Італіі, дзе Уладзімір Богдан шукае цікавыя кадры і малавядомыя факты, і сталічнаму рэгіёну Беларусі, дзе Надзея Цімафеева даследуе Нясвіжскі і Мірскі палацы, а таксама вучыцца вырабляць валёнкі па старажытнай тэхналогіі. Як і раней, гледачы змогуць сачыць за фотахронікай вандровак і выбіраць пераможцу сэлфі-спаборніцтва як у эфіры, так і на афіцыйных старонках праекта ў сацыяльных сетках.
Вікторыя ЗАХАРАВА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
