Вы тут

Ахмадзінежад зарэгістраваўся ў якасці кандыдата ў прэзідэнты Ірана


Раней былы кіраўнік выканаўчай улады краіны заяўляў, што ўдзельнічаць у прэзідэнцкай гонцы не будзе.


Былы Прэзідэнт Ірана Махмуд Ахмадзінежад, які ўзначальваў выканаўчую ўладу краіны ў 2005—2013 гадах, зарэгістраваўся ў якасці кандыдата на прэзідэнцкіх выбарах. Пра гэта паведамляе іранскае агенцтва ІSNА. У аўторак у МУС ІРІ пачалася рэгістрацыя кандыдатаў для ўдзелу ў прэзідэнцкіх выбарах, якія маюць адбыцца 19 мая. Паводле канстытуцыі Ісламскай Рэспублікі Іран, прэзідэнтам краіны можа стаць любы карэнны жыхар краіны не маладзейшы за 40 гадоў, які з'яўляецца актыўным прыхільнікам ісламу і ісламскага ладу. Заяўкі будуць прымацца на працягу пяці дзён, і ўжо ў першы зарэгістраваліся больш за 100 чалавек. Такая масавасць адзначаецца кожныя чатыры гады — перад выбарамі набіраецца некалькі сотняў, а то і пад тысячу ахвотных стаць прэзідэнтам.

У сярэдзіне мінулага года Ахмадзінежад казаў аб планах выставіць сваю кандыдатуру, аднак кіраўнік і духоўны лідар Ісламскай Рэспублікі Іран аятала Алі Хаменеі палічыў гэтыя планы «неразумнымі і немэтазгоднымі».

Выбар рэдакцыі

Эканоміка

Распрацоўшчыкі — пра новы Падатковы кодэкс Рэспублікі Беларусь

Распрацоўшчыкі — пра новы Падатковы кодэкс Рэспублікі Беларусь

Летась Падатковы кодэкс Беларусі зазнаў істотныя змяненні.

Калейдаскоп

Вясёлыя гісторыі чытачоў

Вясёлыя гісторыі чытачоў

Любачка і На варце маёмасці.

Грамадства

Як будзе праходзіць перапіс насельніцтва

Як будзе праходзіць перапіс насельніцтва

Старшыня Нацыянальнага статыстычнага камітэта Іна МЯДЗВЕДЗЕВА адзначае, што іх ведамства разлічвае перапісаць максімальную колькасць грамадзян з дапамогай укаранёных інавацый.