21 верасня, панядзелак

Вы тут

Стаць айцішнікам можа кожны?


Якія ІТ-кадры будуць запатрабаваныя ў найбліжэйшай будучыні? У навучанне на курсах па якіх прафесіях лепш укладваць свае грошы і час, як складаць рэзюмэ і што сабой уяўляе гутарка на працу ў ІТ-кампаніях — пра ўсё гэта можна будзе даведацца на канферэнцыі ІT Еntrаnсе 2017.


Мерапрыемства пройдзе 22 красавіка ў бізнес-інкубатары Парка высокіх тэхналогій. Яно адрасаванае найперш тым, хто хацеў бы перакваліфікавацца і працаваць у запатрабаванай сёння сферы інфармацыйных тэхналогій, ІТ-спецыялістам, якія знаходзяцца ў пачатку шляху і хочуць павысіць свае прафесійныя кампетэнцыі, а таксама студэнтам тэхнічных спецыяльнасцяў ВНУ і каледжаў.

Штогод у ІТ-сферы Беларусі ствараецца больш як 3 тысячы рабочых месцаў, з якіх толькі каля паловы можа быць укамплектавана за кошт выпускнікоў ВНУ. На думку экспертаў, у наступныя два гады існуючы дысбаланс паміж попытам і прапановай на рынку працы захаваецца.

Перад аўдыторыяй выступіць больш як 20 спікераў. У прыватнасці, генеральны дырэктар камп'ютарнай акадэміі «Крок» Павел Спецыян раскажа, як вызначыцца з ІT-спецыяльнасцю, каб не пашкадаваць пра сваё рашэнне і якую адукацыю атрымаць для дасягнення максімальнага ўзроўню неабходных ведаў для спецыяліста-пачаткоўца. А Кірыл Грушэвіч, інструктар навучальнага цэнтра Роlуgоn і сертыфікаваны Unіtу-распрацоўшчык з васьмігадовым вопытам працы ў распрацоўцы камп'ютарных гульняў, раскажа пра тое, як можна адносна лёгка пачаць распрацоўваць гульні.

Уваход на мерапрыемства свабодны для ўсіх ахвотных, трэба толькі загадзя зарэгістравацца па спасылцы на сайце Парка высокіх тэхналогій.

Надзея НІКАЛАЕВА

nіkаlаеvа@zvіаzdа.bу

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.