У Беразіно плануюць усталяваць мемарыяльную дошку ў знак памяці калмыцкага паэта Міхаіла Ханінава.
Аўтар паэмы пра Хатынь, многіх вершаў, прысвечаных Беларусі, партызаніў у гэтых мясцінах. Часта зазіраў на Міншчыну і Магілёўшчыну і ў пасляваенныя гады, калі вярнуўся разам са сваім народам са сталінскай дэпартацыі. І яго, кавалера ордэна Чырвонага сцяга, не абмінула доля сваіх землякоў. А вярнуўшыся ў Элісту, шмат працаваў. У Мінску пабачылі свет дзве кнігі калмыцкага паэта на беларускай мове. Сярод перакладчыкаў — Аляксей Пысін, Рыгор Барадулін, Алесь Бачыла...
Ініцыятар усталявання памятнай дошкі, фундатар мемарыяльнага праекта — дачка пісьменніка: вядомы ў Калмыкіі і Расіі літаратуразнаўца, перакладчык, паэт Рыма Ханінава. Яна асабіста шмат робіць дзеля ўшанавання памяці пра бацьку. Мяркуецца, што мемарыяльная дошка з'явіцца ў Беразіно напярэдадні сёлетняга Дня беларускага пісьменства.
Сяргей ШЫЧКО
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
