З канвеера зборачнай вытворчасці Мінскага аўтамабільнага завода яшчэ не сышла ні адна машына з фірмовым «зубрам» на капоце, калі ў першыя цэхі прадпрыемства, якія выраслі літаральна на ўчорашніх пустках, 1 красавіка 1947 года прыйшоў першы нумар «шматтыражкі» завода, — дзве малафарматныя старонкі. «Аўтазаводзец» стаў першай завадской шматтыражнай газетай у пасляваенным Мінску.
1 красавіка 1972 года — выпушчана 3000 нумароў «шматтыражкі», «Аўтазаводзец» адзначыў сваё 25-годдзе — газета ўзнагароджана Ганаровымі граматамі Вярхоўнага Савета БССР, Міністэрства аўтамабільнай прамысловасці і ЦК ЛКСМБ. А ў маі «Аўтазаводзец» удастоены ўсесаюзнай прэміі «За найлепшую пастаноўку масавай работы ў рэдакцыі».
З 2010 года пачаўся, па сутнасці справы, новы перыяд развіцця вядомага ва ўсім свеце прадпрыемства і, натуральна, завадской «шматтыражкі». Усё больш увагі ўдзяляецца сацыяльнай сферы, паляпшэнню ўмоў працы рабочых. У той жа час на першым месцы застаецца задача выпуску новай тэхнікі — надзейнай, якаснай. І, вядома, усе гэтыя падзеі знаходзяць сваё адлюстраванне на старонках «Аўтазаводца», журналісты якога ніколі не застаюцца ў баку ад праблем, задач і поспехаў усяго калектыву флагмана беларускага аўтамабілебудавання.
Віншуем калег з адметнай датай!
Алесь ДРАЎНІЦКІ
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
