Вы тут

Аграрыі разлічваюць на добры ўраджай


У нашай краіне пачалася масавая сяўба яравых, а таксама назіраецца добры стан пасеваў азімых, заявіў учора намеснік міністра сельскай гаспадаркі і харчавання Уладзімір Гракун.


У міністэрстве падлічылі, што цяпер раннія яравыя пасеяны на 20% запланаваных плошчаў. Традыцыйна ўвесну лідзіруе Гомельская вобласць, дзе ўжо засеяна больш за палову плошчаў. Прыступіў да сяўбы і Віцебскі рэгіён, які традыцыйна праводзіць пасяўную пазней за астатніх. «У нас ёсць усё неабходнае, каб дасягнуць такіх сур'ёзных вынікаў: спецыялісты, тэхналогіі і тэхніка, мы поўнасцю забяспечаны насеннем. На палявых работах сёння задзейнічана каля 4 тысяч пасяўных агрэгатаў, 1,8 тысячы збожжавых сеялак, больш за 5 тысяч энерганасычаных трактароў. Гатоўнасць гэтай тэхнікі — звыш 90%», — падкрэсліў Уладзімір Гракун.

Спецыяліст адзначыў, што якасныя азімыя мы маем асабліва ў паўднёвых раёнах, дзе вегетацыя ідзе ўжо ў поўную сілу і праведзены падкормкі мінеральнымі ўгнаеннямі. Пры гэтым ён паведаміў, што гібель азімых збожжавых у Беларусі склала каля 4%. Больш за ўсё пацярпеў рапс — на 7,6%.

Уладзімір Гракун таксама паведаміў, што Беларусь забяспечана насеннем збожжавых на 130%. «Ёсць страхавыя фонды, калі што, мы гатовыя своечасова перасеяць 30% плошчаў. Таксама мы поўнасцю забяспечаны насеннем па астатніх культурах — бульбе, цукровых бураках, лёну, заканчваецца падрыхтоўка насення шматгадовых траў», — адзначыў ён. Паводле слоў намесніка міністра, сёлета плануецца пасеяць кукурузу на плошчы 860 тысяч га, з іх 116 тысяч га будзе пасеяна на зерне. Акрамя таго, плануецца сабраць ураджай збожжа ў аб'ёме не менш як 8,8 млн тон, вырасціць 1,28 млн тон бульбы, 180 тысяч тон ільнотрасты і 4,8 млн тон цукровых буракоў.

Мяркуецца, што не будзе ў вяскоўцаў і істотных праблем з фінансаваннем запланаваных мерапрыемстваў. На правядзенне пасяўной сёлета накіравана прыкладна 1,8 млрд рублёў. Гэта будуць сродкі з бюджэту, уласныя сродкі прадпрыемстваў, а таксама крэдытныя рэсурсы. Уладзімір Гракун растлумачыў, што раней меркавалася выдаткаваць на гэта толькі 1,6 млрд рублёў, але суму потым падкарэкціравалі, бо рэсурсы даражэюць. Гэта датычыцца, у прыватнасці, азотных угнаенняў.

Намеснік міністра паведаміў, што на набыццё мінеральных угнаенняў запланавана накіраваць 730 млн рублёў, на сродкі абароны раслін — 259 млн, ГЗМ — 323 млн, рамонт тэхнікі — 181 млн, вапнаванне — 35 млн і на насенне — 183 млн рублёў. Паводле слоў Уладзіміра Гракуна, цалкам закрыць пытанне аб дэфіцыце мінеральных угнаенняў пакуль не ўдаецца. «Пры гэтым гаспадаркі атрымаюць іх больш за леташнія аб'ёмы. Азотных угнаенняў — атрымаюць на 48% больш за ўзровень мінулага года, фосфарных — на 75%. У цэлым 70% патрэбнасці ў мінеральных угнаеннях гаспадаркам будзе забяспечана, астатняе папоўнім за кошт арганічных угнаенняў», — растлумачыў ён.

Пад агароднінныя культуры плануецца аддаць больш за 7 тысяч га. Традыцыйна будзем вырошчваць капусту, моркву, буракі, цыбулю і зялёны гарошак.

А яшчэ сёлета сяляне разлічваюць атрымаць добры ўраджай кавуноў. «Летась мы атрымалі нядрэнны ўраджай бахчавых — 808 тон кавуноў. Сёлета плошчы пад гэтымі культурамі застаюцца на ўзроўні мінулага года, але ўраджай мы чакаем трохі вышэйшы. І ўраджай павінны атрымаць якасны, каб цалкам забяспечыць насельніцтва Беларусі і мець экспартны патэнцыял», — падкрэсліў намеснік міністра. Ён нагадаў, што ў 2016 годзе пад бахчавыя было аддадзена 65 га. Уладзімір Гракун адзначыў, што якасць беларускіх кавуноў ацанілі і ў Расіі. Летась беларускі кавун нават у Астрахані атрымаў добрую ацэнку. Цяпер спецыялісты ўпэўнены, што экспарт кавуноў можа дапамагчы атрымаць дадатковую валюту, якую можна будзе накіраваць на набыццё сродкаў аховы раслін, мінеральных угнаенняў і насення.

Сяргей КУРКАЧ

kurkасh@zvіаzdа.bу

Загаловак у газеце: Калі дзень год корміць

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.