Аб гэтым заявіў старшыня Савета Рэспублікі Нацыянальнага сходу Рэспублікі Беларусь Міхаіл Мясніковіч на сустрэчы з дэлегацыяй фармацэўтычных кампаній з Індыі. Нагадаем, індыйскія прадстаўнікі выступілі партнёрамі беларускага боку на міжнароднай выстаўцы «Ахова здароўя Беларусі — 2017», што прайшла ў Мінску.
На гэты момант рэалізуецца тры беларуска-індыйскія інвестыцыйныя праекты ў галіне вытворчасці лекаў. Парламентарый выказаў надзею, што пасля наведвання Беларусі дэлегацыяй індыйскіх фармацэўтычных кампаній колькасць сумесных спраў павялічыцца.
«У нас вельмі шматпрофільнае супрацоўніцтва, і я рады таму, што яно змяшчае не толькі гандлёвыя адносіны, але досыць актыўна развіваюцца і інвестыцыйныя праекты», — адзначыў спікер верхняй палаты. Сёння паміж Беларуссю і Індыяй ажыццяўляецца сумесная работа ў навукова-тэхнічнай галіне, у падрыхтоўцы кадраў ва ўніверсітэтах. На думку Міхаіла Мясніковіча, гэта сведчыць пра разнастайнасць формаў нашай працы і добрых перспектывах.
— У цэлым мы задаволены супрацоўніцтвам з Індыяй на ўсіх узроўнях. І бачым вялікі патэнцыял, які яшчэ не да канца запатрабаваны, — падкрэсліў сенатар.
Уладзіслаў ЛУКАШЭВІЧ
Фота БЕЛТА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
