Ён стаў вынікам сумеснай працы ЮНІСЕФ і Беларускага дзяржаўнага педагагічнага ўніверсітэта па прасоўванні ідэй і ўкаранення практык інклюзіўнай адукацыі. Мяркуецца, што цэнтр стане ўнікальным падраздзяленнем Інстытута інклюзіўнай адукацыі БДПУ, які будзе спрыяць прасоўванню ідэі даступнасці адукацыі для ўсіх дзяцей.
Актуальнасць яго стварэння абумоўлена ў тым ліку і ратыфікацыяй ў 2016 годзе Рэспублікай Беларусь Канвенцыі ААН аб правах людзей з інваліднасцю, у якой абвешчаны абавязак дзяржаў-удзельніц забяспечваць інклюзіўную адукацыю на ўсіх узроўнях, а таксама навучанне на працягу ўсяго жыцця. У Рэспубліцы Беларусь прынята Канцэпцыя развіцця інклюзіўнай адукацыі асоб з асаблівасцямі псіхафізічнага развіцця, а таксама дзейнічае план па яе рэалізацыі, разлічаны на 2016—2020 гады
Урачыстае адкрыццё Рэспубліканскага рэсурснага цэнтра інклюзіўнай адукацыі адбудзецца 29 сакавіка ў 11.00 па адрасе: г. Мінск, вул. Ф. Скарыны, 13 (вучэбны корпус № 7 БДПУ).
Гасцей чакае экскурсія па рэсурснаму цэнтру. Таксама ўсе ахвотныя змогуць азнаёміцца з фотавыстаўкай, дзе прадстаўлены гісторыі сем'яў, якія выхоўваюць дзяцей з асаблівасцямі псіхафізічнага развіцця.
На мерапрыемстве плануецца прысутнасць намесніка міністра адукацыі Рэспублікі Беларусь Раісы Сідарэнкі, рэктара БДПУ, доктара педагагічных навук, прафесара Аляксандра Жука, прадстаўніка Дзіцячага Фонду ААН (ЮНІСЕФ) у Беларусі Рашэда Мустафы Сарвара і іншых.
Надзея НІКАЛАЕВА
З пачаткам навучальнага года рэгіструецца і рост захваральнасці на рэспіраторныя інфекцыі.
Як адзначаюць фінансавыя эксперты, рынак жылой нерухомасці выйшаў на беспрэцэдэнтна высокія паказчыкі па колькасці здзелак.
З рэжысёрам «Кіношнікаў» — наша размова пра мары і іх увасабленне ў рэальнасць.
Хто здолее змяніць гісторыю ці змяніцца пад яе ўплывам?
