У Лепельскім раёне вышукваюць браканьера, які ўстанавіў металічныя петлі ў лесе каля вёскі Ражно на тэрыторыі Бярэзінскага біясфернага запаведніка. У адну з іх трапіў мядзведзь...
— Яго рэшткі знайшлі работнікі Бягомльскай міжрайінспекцыі. Забраць жывёлу, якая загінула, нелегал, відавочна, не наважыўся, і туша мядзведзя стала здабычай драпежнікаў, — расказалі ў Дзяржінспекцыі.
Буры мядзведзь уключаны ў Чырвоную кнігу Беларусі і з'яўляецца аб'ектам СІТЕС. Нанесеная прыродзе шкода ацэньваецца ў 2400 базавых велічынь, ці 55,2 тысячы рублёў. Вырашаецца пытанне аб завядзенні крымінальнай справы, праводзяцца следчыя мерапрыемствы па ўстанаўленні датычных да незаконнага палявання.
Сяргей РАСОЛЬКА
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».