Вы тут

Фінішаваў конкурс эсэ, прысвечаных супрацоўніцтву Беларусі і Кітая


Узнагароджаны пераможцы конкурсу эсэ, прысвечаных беларуска-кітайскаму супрацоўніцтву.

У красавіку мінулага года Міжнароднае радыё «Беларусь» сумесна з пасольствам Кітайскай Народнай Рэспублікі ў Беларусі, Беларускім таварыствам дружбы і культурных сувязяў з замежнымі краінамі і Рэспубліканскім інстытутам кітаязнаўства імя Канфуцыя БДУ абвясцілі конкурс творчых работ (эсэ) на тэму «Беларуска-кітайскае супрацоўніцтва. Шаўковы шлях і Індустрыяльны парк «Вялікі камень» маімі вачыма». Прыём работ завяршыўся 1 лютага, урачыстая цырымонія ўзнагароджання пераможцаў днямі прайшла ў гатэлі «Пекін».


Так, журы разгледзела творчыя работы ўдзельнікаў ва ўзросце ад 9 да 66 гадоў, якія жывуць у Беларусі, Кітаі, Украіне, Польшчы. Яны даслалі эсэ, фотаэсэ, вершы, казкі і нават цэлыя кнігі, якія на рускай, беларускай, кітайскай мовах распавядаюць пра беларуска-кітайскія стасункі.

— Сімвалічна, што конкурс мы зладзілі разам у год 25-й гадавіны ўстанаўлення дыпламатычных адносін паміж Кітаем і Беларуссю, — падкрэсліў падчас цырымоніі Надзвычайны і Паўнамоцны Пасол Кітая ў Беларусі Цуй ЦЫМІН. — Таксама яго мэтай стала прыцягненне ўвагі грамадскасці да развіцця кітайска-беларускага партнёрства, а таксама перспектыў нашых адносін.

— Нашы краіны маюць велізарны патэнцыял для развіцця супрацоўніцтва. Вельмі важна для яго рэалізацыі,  каб мы ведалі пра сваіх сяброў, больш даведваліся пра іх. Менавіта гэтай мэце і служыць наш конкурс, — зазначыў дырэктар Інстытута кітаязнаўства імя Канфуцыя БДУ Анатоль ТОЗІК.

Цырымонія падвядзення вынікаў сталася сапраўдным святам для ўдзельнікаў творчага спаборніцтва і гасцей імпрэзы. Так, гучалі песні на беларускай і кітайскай мовах, школьнікі чыталі вершы па-кітайску, магістранты ўніверсітэта фізкультуры дэманстравалі прыёмы ўсходніх адзінаборстваў.

— Калі мы толькі распачыналі конкурс, то вельмі хваляваліся. Хто будзе пісаць эсэ і дасылаць нам? Як адгукнуцца слухачы з Кітая? — разважае галоўны дырэктар галоўнай дырэкцыі міжнароднага вяшчання Беларускага радыё Навум ГАЛЬПЯРОВІЧ. — Але тыя 60 работ, якія мы атрымалі для ўдзелу ў конкурсе, даказваюць, што ён адбыўся досыць паспяхова. Гэта першая ластаўка, першая магчымасць выказацца пра наша сяброўства для простых жыхароў Беларусі і Кітая. Спадзяюся, у будучыні мы зладзім падобныя сумесныя праекты.

Так, пераможцамі конкурсу сталі больш як дзясятак удзельнікаў з розных гарадоў Беларусі, Украіны. Яго актыўнымі ўдзельнікамі былі студэнты і магістранты з Кітая, якія вучацца ў нашай краіне, а таксама супрацоўнікі кампаніі ZTE — партнёра конкурсу. Дыпломы пераможцаў атрымалі аспірант з Кітая Ван Шывэй і выкладчыца з Мінска Святлана Кабачэўская. Менавіта іх работы журы конкурсу назвала самымі грунтоўнымі.

— Работы, дасланыя на конкурс, былі вельмі цікавыя, аналітычныя і эмацыянальныя адначасова, — кажа член журы, дэкан факультэта міжнародных адносін БДУ Віктар ШАДУРСКІ. — Кожны ўдзельнік унёс свой маленькі каменьчык у наш «Вялікі камень» — дружбу Беларусі і Кітая.

Марына ВЕСЯЛУХА

vesіaluha@zvіazda.by

Фота Кастуся ДРОБАВА

Загаловак у газеце: Дружба Сінявокай і Паднябеснай

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».