У Брэсцкай вобласцi да рэфармавання праблемных сельгаспрадпрыемстваў падыходзяць прадумана. Такое меркаванне выказаў старшыня Савета Рэспублiкi Нацыянальнага сходу Мiхаiл Мяснiковiч у час рабочай паездкi ў Лунiнецкi раён.
«Што датычыцца ўказа №253 (« Аб мерах па фiнансаваму аздараўленню сельскагаспадарчых арганiзацый»), я хацеў бы адзначыць, што вобласць вельмi якасна, прадумана, на добрым арганiзацыйным узроўнi паставiлася да пытанняў праблемных гаспадарак. Тут з 215 гаспадарак 54 знаходзяцца або на дасудовым аздараўленнi , або ў стане санацыi. Гэта немалая ўдзельная вага. Па кожнай гаспадарцы ёсць дарожная карта. Вядома, не ўсе яшчэ пытаннi знаходзяць рашэнне, але людзi турбуюцца, няма нейкiх утрымальнiцкiх настрояў, гэта абнадзейвае, што рашэннi будуць прыняты вычарпальныя», — сказаў Мiхаiл Мяснiковiч.
Рэалiзацыя мер па фiнансаваму аздараўленню сельскагаспадарчых арганiзацый стала адной з мэт рабочай паездкi ў рэгiён упаўнаважанага Прэзiдэнта па Брэсцкай вобласцi. Таксама абмяркоўвалася правядзенне веснавой пасяўной кампанii, занятасць насельнiцтва. Усе гэтыя рэчы ўзаемазвязаныя, лiчыць Мiхаiл Мяснiковiч.
Ён выказаў заклапочанасць з нагоды недастатковай забяспечанасцi сельгасарганiзацый мiнеральнымi ўгнаеннямi, сродкамi абароны раслiн. «Гэта можа сур'ёзна адбiцца на ўраджаi 2017 года», — папярэдзiў мясцовых кiраўнiкоў старшыня Савета Рэспублiкi.
Падчас рабочай паездкi Мiхаiл Мяснiковiч наведаў камунальнае сельскагаспадарчае ўнiтарнае прадпрыемства «Гарадоцкi», фермерскую гаспадарку «Навiцкiх» i камунальнае сельскагаспадарчае унiтарнае прадпрыемства «Мiжлескае». Таксама ён правёў нараду з удзелам кiраўнiкоў Лунiнецкага, Пiнскага i Ганцавiцкага раёнаў, антыкрызiсных кiраўнiкоў праблемных сельскагаспадарчых арганiзацый.
БЕЛТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
