Супрацоўнікі Мікашэвіцкай міжраённай інспекцыі аховы жывёльнага і расліннага свету спынілі аўтамабіль у Лунінецкім раёне. Пасажыр з машыны адразу ўцёк, застаўся вадзіцель.
У салоне аўто знаходзілася галава казулі і два мяшкі з мясам. На месца прыбылі супрацоўнікі міліцыі. У ходзе аператыўна-пошукавых мерапрыемстваў былі знойдзены шкуры і вантробы ад дзвюх казуль, якія браканьеры пасля разбірання кінулі ў ваду рэчкі Валхва. Пазней устанавілі і асобу пасажыра, што ўцёк. Заведзена крымінальная справа ў дачыненні да двух грамадзян.
Як паведаміў супрацоўнік Брэсцкай абласной інспекцыі Ігар КАЛЕНЬКА, памер урону навакольнаму асяроддзю за знішчэнне дзвюх казуль еўрапейскіх ацэнены ў 5520 рублёў, а кошт незаконна здабытай прадукцыі ў 966 рублёў. Акрамя таго парушальнікам пагражае штраф.
Святлана ЯСКЕВІЧ
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
