Яго выпрацоўвалі ў Гродне ўдзельнікі рэспубліканскага семінара па пытаннях удасканальвання ідэалагічнай і выхаваўчай работы ў сістэме адукацыі.
— Моладзь сёння патрабуе асаблівага падыходу, — падкрэсліў першы намеснік кіраўніка Адміністрацыі Прэзідэнта Максім Рыжанкоў. — Усё мяняецца, прычым моладзь першая ўбірае ў сябе як пазітыўныя рэчы, так і негатыў. Таму наша задача — сваечасова прапанаваць ім такі алгарытм жыцця, які дапаможа ўцягнуць іх у палітычны, сацыяльны і эканамічны працэс. Гэта павінна садзейнічаць развіццю нашай краіны як стабільнай і развітой дзяржавы.
Міхаіл Рыжанкоў падкрэсліў, што сёння ёсць прыклады, калі моладзь імкнуцца ўцягнуць у дэструктыўны рух, навязаць негатыўныя звычкі, такія, як распаўсюджванне наркотыкаў, адыход ад здаровага ладу жыцця і вялікую ролю ў папярэджанні гэтага можа сыграць прафілактыка.
— Мы павінны праводзіць яе так, каб было цікава, каб адпавядала маладзёжным «фішкам», — адзначыў Максім Рыжанкоў. — Тут неабходна індывідуальная работа выкладчыкаў, выхавацеляў. Вельмі важна пачуць моладзь, заўважыць іх ініцыятывы, прапанаваць дапамогу.
У рамках семінара яго ўдзельнікі пазнаёміліся з сучаснымі формамі патрыятычнага выхавання моладзі на прыкладзе ўстаноў адукацыі Гродна. Адбылася сустрэча з валанцёрскім атрадам сацыяльна-педагагічнага цэнтра, знаёмства з навучэнцамі Гуманітарнага каледжа ГрГУ імя Янкі Купалы, якія правялі акцыі «Гукі вайны» і «Колер вайны», даведаліся аб вопыце работы ў шосты школьны дзень СШ №38 і прафесійна-тэхнічнага ліцэя будаўнікоў.
Маргарыта УШКЕВІЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
