Раней зносіны паміж дзвюма краінамі адбываліся, у асноўным, праз спецыяльных дакладчыкаў і праз сувязі ў міжнародных арганізацыях, цяпер — ідзе прамы дыялог. «Мы не адмаўляемся ад кантактаў з гэтымі міжнароднымі арганізацыямі, але я лічу, што дыялог напрамую больш эфектыўны», — адзначыў старшыня Савета Рэспублікі Нацыянальнага сходу Рэспублікі Беларусь Міхаіл МЯСНІКОВІЧ.
Ёхан ВАДЭФУЛЬ, намеснік старшыні германска-беларускай парламенцкай групы бундэстага, сустрэўся з прадстаўнікамі абедзвюх палат беларускага парламента і з міністрам замежных спраў Уладзімірам Макеем. Спадар Вадэфуль падкрэсліў, што ёсць зацікаўленасць у больш цесных адносінах паміж Беларуссю і Германіяй. Да гэтага былі зроблены добрыя крокі. «Мы лічым, што Беларусь з'яўляецца часткай еўрапейскай супольнасці каштоўнасцяў, і я вельмі быў рады пачуць, што ўсе падзяляюць маё меркаванне. Мы хочам дамагчыся інтэнсіфікацыі нашых адносін. Каб нямецкія інвестары прыходзілі ў Беларусь, трэба, каб тут былі адпаведныя ўмовы ў галіне прававой бяспекі. А для гэтага неабходныя рэформы, — адзначае Ёхан Вадэфуль. — Усё гэта — эвалюцыйны працэс, які павінен адбывацца крок за крокам».
Намеснік старшыні Палаты прадстаўнікоў Баляслаў ПІРШТУК расказаў, што Германія з'яўляецца нашым буйным партнёрам на еўрапейскім напрамку і займае асаблівае становішча ў знешняй палітыцы. «Апошнім часам актывізаваліся кантакты нашай краіны з дзяржавамі Еўропы. І сённяшняя сустрэча гэта пацвярджае», — заўважыў ён. Віцэ-спікер адзначыў вялікую ролю парламентарыяў у гэтым працэсе: «Мы можам рабіць больш, каб адносіны былі дынамічнымі і эфектыўнымі».
Надзея АНІСОВІЧ
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.