Вы тут

Па ўсёй краіне 14-гадовым хлопцам і дзяўчатам уручалі пашпарты


Учора па ўсёй краіне 14-гадовым хлопцам і дзяўчатам урачыста ўручалі пашпарты грамадзян Беларусі. Акцыя «Мы — грамадзяне Беларусі!», распачатая ўчора Беларускім рэспубліканскім саюзам моладзі, прымеркавана да Дня Канстытуцыі краіны. Сёлета яна праводзілася ўжо чатырнаццаты раз. У сталіцы месцам цырымоніі стаў Музей сучаснай беларускай дзяржаўнасці, дзе галоўны дакумент маладым беларусам уручала кіраўнік Адміністрацыі Прэзідэнта Наталля КАЧАНАВА.


— Такія акцыі з'яўляюцца важным складнікам ідэалагічнай работы з моладдзю, — адзначыла Наталля Качанава. — Я думаю, для кожнага з удзельнікаў гэта падзея стане знакавай і запомніцца на ўсё жыццё. Важна, каб усе яны разумелі, што дзяржава клапоціцца пра іх. Мы ведаем, што будучыня Беларусі ў многім залежыць менавіта ад тых хлопцаў і дзяўчат, якія сёння атрымалі свае пашпарты. Наша задача — зрабіць усё, каб яны маглі ацаніць тое, што робіцца ў краіне для іх падтрымкі. А нам сапраўды ёсць чым ганарыцца. У Беларусі можна рэалізаваць усе свае магчымасці. Безумоўна, як і ў жыцці кожнай краіны, у нас бываюць пад'ёмы і спады, але моцная сям'я, моцны народ перажыве любыя нягоды, гэта маё шчырае перакананне.

Галоўнымі героямі цырымоніі сталі 28 хлопцаў і дзяўчат з усіх рэгіёнаў Беларусі — выдатнікі вучобы, удзельнікі навукова-практычных канферэнцый, пераможцы і прызёры рэспубліканскіх спаборніцтваў, фестываляў, конкурсаў, прадметных алімпіяд.

— Вядома, для мяне вялікі гонар прыехаць у Мінск, каб прадстаўляць свой родны горад, — падзялілася ўражаннямі вучаніца 8 класа гродзенскай гімназіі №6 Лізавета ХІЛІМОНЧЫК. — Я добра вучуся, у мяне шмат захапленняў. Займаюся ў музычнай школе ўжо шэсць гадоў, іграю на домры. Часта езджу прадстаўляць Беларусь на міжнародных конкурсах. Яшчэ падабаецца шыццё — хаджу ў гурток «Тэатр моды», там мы ствараем калекцыі адзення, праводзім модныя паказы. З гэтым і хачу звязаць сваю будучыню — мару аб прафесіі дызайнера...

— Мы праводзім гэту акцыю ўжо больш за дзесяць гадоў, — сказаў падчас уручэння пашпартоў першы сакратар ЦК БРСМ Андрэй БЕЛЯКОЎ. — Але кожны раз гэта асаблівае хваляванне. Мы вельмі ўдзячныя за тую дапамогу, якую дзяржава аказвае нашай моладзі. Прычым на самым высокім узроўні падтрымліваюцца не толькі праекты рэспубліканскага маштабу, але і многія іншыя. Упэўнены, што гэта партнёрства паміж дзяржавай і моладдзю будзе падмуркам для росквіту нашай Беларусі. А для ўсіх удзельнікаў сённяшняе мерапрыемства стане стымулам на далейшае скарэнне вяршынь.

Яраслаў ЛЫСКАВЕЦ

lуskаvеts@zvіаzdа.bу

Фота Сяргея НІКАНОВІЧА

Загаловак у газеце: Пуцёўка ў жыццё

Дадаць каментар

Выбар рэдакцыі

Грамадства

Як мультымедыйныя тэхналогіі матывуюць вучняў?

Як мультымедыйныя тэхналогіі матывуюць вучняў?

29—30 лістапада ў Мінску пройдзе міжнародная спецыялізаваная навукова-тэхнічная выстава-форум «Інфармацыйныя тэхналогіі ў адукацыі» (ІTE-2017). 

Грамадства

Колькі працягнецца «мёртвы» сезон?

Колькі працягнецца «мёртвы» сезон?

Што стрымлівае развіццё турыстычна-рэкрэацыйнага парку «Аўгустоўскі канал».

Калейдаскоп

5 фільмаў супраць сезоннай хандры

5 фільмаў супраць сезоннай хандры

Раніца ўжо дыхае ў спіну зімовым холадам.