Дырэктар Беларускага тэатра «Лялька» (Віцебск) Аляксандр Грыгор'еў:
«Звязда» — адзіная рэспубліканская дзяржаўная газета, якая друкуецца на беларускай мове, не здраджвае гэтай добрай традыцыі. І апошняе вельмі добра.
Наш тэатр і рэдакцыю звязвае шматгадовае вельмі плённае супрацоўніцтва. Калі задумацца, чытачы газеты «Звязда» — адначасова і нашы гледачы. Прыемна, што іх колькасць з кожным годам не змяншаецца.
Асабіста мне як прадстаўніку творчага калектыву ў першую чаргу цікава прачытаць публікацыі, прысвечаныя галіне культуры. І ў газеце нават ёсць спецыялізаваная ўкладка. Заўсёды прыемна, калі там з'яўляюцца публікацыі пра людзей, якіх ведаю. Вельмі цікавіць эксклюзіў: тое, што пакуль не надрукавалі іншыя перыядычныя выданні. На мой погляд, заўсёды запатрабаваныя журналісцкія матэрыялы, прысвечаныя вывучэнню «сігналаў» ад чытачоў. Бо прыватныя скаргі, якія вывучаюць рэпарцёры, часта актуальныя для многіх людзей.
У слаўны год 100-гадовага юбілею газеты ад імя маіх калег жадаю «Звяздзе», як заўсёды, адпавядаць патрабаванням часу. Таксама — новых творчых знаходак, больш тыражу, дзесяцігоддзяў росквіту.
Падрыхтаваў Аляксандр ПУКШАНСКІ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
