У гэтым годзе рабочая група, у якую ўвойдуць спецыялісты розных ведамстваў, вывучыць пытанне мэтазгоднасці ўвядзення ў Беларусі абавязковага сацыяльнага водпуску для бацькаў пры нараджэнні дзіцяці. Магчыма, гэтае пытанне будзе вынесена і на грамадскае абмеркаванне — гэтага не выключыў віцэ-прэм'ер Беларусі Васіль Жарко ў інтэрв'ю часопісу «Беларуская думка».
Згодна з нашым заканадаўствам любы з бацькоў можа аформіць водпуск па доглядзе дзіцяці да дасягнення ім узросту трох гадоў. Беларускія мужчыны пакуль гэтым правам карыстаюцца вельмі рэдка (толькі 1% мужчын прымаюць рашэнне ўзяць дэкрэтны адпачынак замест маці дзіцяці). Аднак у апошнія некалькі гадоў іх цікавасць да гэтага стала расці.
Зараз у падпраграме «Сям'я і дзяцінства» Дзяржаўнай праграмы «Здароўе народа і дэмаграфічная бяспека Рэспублікі Беларусь» на 2016—2020 гады сфармулявана заканадаўчая ініцыятыва: абавязаць мужчын знаходзіцца ў дэкрэтным водпуску не менш за 20 дзён. Мэтазгоднасць дадзенай ініцыятывы і будзе разглядацца рабочай групай.
Святлана БУСЬКО
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.