Паведамленне пра загаранне ў адной з палат рэспубліканскай бальніцы спелеалячэння ў Салігорску паступіла ў канцы працоўнага дня ад дзяжурнай медсястры.
Прыбыўшы на месца, падраздзяленні ратавальнікаў выявілі слабае задымленне на другім паверсе трохпавярховага корпуса. Згодна з папярэдняй інфармацыяй Мінскага абласнога ўпраўлення МНС, у адной з палат загарэўся кіпяцільнік. У момант узнікнення пажару ўнутры нікога не было. Медработнікі выкарысталі ўнутраны пажарны кран і справіліся з полымем да прыезду ратавальнікаў. Апошнія разам з персаналам эвакуіравалі з корпуса 54 чалавекі. Ніхто не пацярпеў. Агонь пашкодзіў ложак, тумбачку і пасцельныя рэчы. Мяркуецца, што кіпяцільнік пакінулі без нагляду.
Сяргей РАСОЛЬКА
Канцэрт для дзяцей і моладзі, пластычны спектакль Ягора Дружыніна і «Рок-панарама».