Вы тут

Чалавек і прырода: як утрымаць баланс?


Прырода была і застаецца галоўнай крыніцай для існавання чалавека. На паветра, ваду мы часцей за ўсё і не звяртаем увагі, лічачы гэта абсалютна звыклай з’явай. Хочацца пабольш узяць даброт з багатага на дары лесу, з нетраў, бо там залежы прыродных выкапняў, з рэк і азёр, бо ў іх спакуслівыя рыбныя запасы... Чалавек – спажывец таго, што прырода міласціва аддае яму ва ўладанне. Паляпшаючы свой асабісты дабрабыт, міжвольна так званы гаспадар прыроды парушае дысбаланс з навакольным светам. І таму дыхаецца чамусьці цяжэй, і вада губляе свой крынічны смак, і лес не такі грыбны...

За гэтымі радкамі хаваецца не столькі песімістычны настрой аўтара, колькі жаданне засяродзіць увагу на сучасных праблемах узаемаадносін паміж гаспадарчай дзейнасцю чалавека і навакольным асяроддзем. Менавіта гэтай тэме была прысвечана калегія Міністэрства прыродных рэсурсаў і аховы навакольнага асяроддзя Рэспублікі Беларусь, якая ў лютым гэтага года падвяла вынікі года мінулага. Дакладней, у цэнтры ўвагі галоўнага экалагічнага ведамства краіны як раз і быў дзяржаўны падыход да суіснавання чалавека і прыроды.

У матэрыяле з калегіі, якім пачынаецца лютаўскі нумар часопіса “Родная прырода”, журналісты даюць адказ на многія хвалюючыя пытанні: як у нашай краіне ўтрымліваецца баланс паміж прыродакарыстаннем і экалагічнай бяспекай. Размова ідзе пра экаэкспертызу, “зялёную” энергію, пра тое, што сачыць за чысцінёй прыроды прызываецца навука.

“Родная прырода” адшукала таксама “Чорныя сляды на карце Мінска”. Нядаўна актывісты грамадскай кампаніі “Гарадскі Ляснічы” сумесна са спецыялістамі Інстытута эксперыментальнай батанікі імя В.Ф. Купрэвіча, паведамляе часопіс, распрацавалі і прадставілі шырокай грамадскасці новы праект – інтэрактыўную карту. На ёй пазначаны, як зялёныя ўчасткі горада, так і закінутыя тэрыторыі і прамысловыя прадпрыемствы. Карта новага фармату ахапіла пакуль адзін раён сталіцы, але распрацоўшчыкі мяркуюць не толькі правесці карціраванне гарадской расліннасці ў Мінску. Такую ж работу яны плануюць у далейшым правесці і ў іншых гарадах. Дарэчы, далучыцца да гэтага праекта можа любы жадаючы. Якім чынам – падкажа “Родная прырода”. Чытайце часопіс!

У ім вы знойдзеце яшчэ шмат пазнавальнага “Геном чалавека: бясконцыя даныя”, “Чатырохлапыя выратавальнікі”, “Вецер у нябёсах”, “Як прадоўжыць жыццё кветкам” – гэтыя і іншыя матэрыялы інтрыгуюць сваімі назвамі. Яны такія ж захапляльныя па свайму зместу і афармленню.

Алена Стэльмах

Дадаць каментар

Выбар рэдакцыі

Культура

Ужыванне беларускай мовы ў розных сферах: культура і пісьменнасць

Ужыванне беларускай мовы ў розных сферах: культура і пісьменнасць

Як з мовай абыходзяцца ўласна тыя, хто ёй карыстаецца або спрабуе гэта рабіць?

Грамадства

Чаму багаж ведаў без умення іх прымяніць — гэта чамадан без ручкі?

Чаму багаж ведаў без умення іх прымяніць — гэта чамадан без ручкі?

Каля 6 тысяч беларускіх падлеткаў з больш чым 220 устаноў адукацыі ўпершыню прымуць удзел у Міжнароднай праграме па ацэнцы адукацыйных дасягненняў.

Грамадства

Ужо каторы год жыхары змагаюцца супраць агульнай паркоўкі ў двары

Ужо каторы год жыхары змагаюцца супраць агульнай паркоўкі ў двары

Гаспадары двара расказваюць, што раней тры заезды ў двор перакрывалі дэкаратыўныя металічныя вароты, унутр аўтамабілі маглі трапіць толькі праз вялікую арку з боку вуліцы Янкі Купалы.

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Пра соты фінал у кар'еры Максіма Мірнага, поспехі беларускіх самбістаў на дамашнім турніры і выступленні нашых гандбольных клубаў у Еўропе.