Днямі я з дзецьмі маіх сяброў — амаль трохгадовай Юстынкай і пяцігадовым Янкам — малявала вясёлку. І мне захацелася падказаць ім, як лёгка запомніць колеры і іх паслядоўнасць.
Першае, што прыгадалася: «Каждый Охотник Желает Знать Где Сидит Фазан» і «Как Однажды Жак Звонарь Головой Сломал Фонарь». Гэтыя запаміналкі, думаю, ведаюць усе з дзяцінства. Але ж мае сябры выхоўваюць дзяцей па-беларуску, таму захацелася прыдумаць штосьці сваё, адметнае. Вось што ў мяне атрымалася: «Чароўны Аловак Жаданне Здзейсніць, Бо Сам Фантазёр» (першыя літары кожнага слова з'яўляюцца першымі літарамі колеру: чырвоны — аранжавы — жоўты — зялёны — блакітны — сіні — фіялетавы). Потым ужо знайшла ў вікіпедыі іншыя падказкі:
І вось (дарэчы, у дзень роднай мовы) у мяне нарадзілася ідэя правесці конкурс сярод чытачоў «Сямейнай газеты» на найлепшую беларускамоўную падказку-запаміналку паслядоўнасці колераў вясёлкі. Мамы і таты, бабулі і дзядулі, прыдумляйце самі і падключайце сваіх дзетак. Пераможцу чакае неймаверна душэўны прыз (на фота) — экалагічная цацка з дрэва. Свае «вясёлкавыя» варыянты дасылайце на адрас «Звязды» альбо па электроннай пошце nadzіeja@zvіazda.by.
Надзея ДРЫНДРОЖЫК
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.