Улады Кітая спрабуюць стрымаць самую небяспечную з 2013 года эпідэмію птушынага грыпу ў краіне.
Са студзеня каля 87 чалавек памерлі ў Кітаі ад гэтай хваробы. Усяго ў краіне зафіксавана больш за 260 выпадкаў захворвання на вірус H7N9. Улады пачалі закрываць птушыныя рынкі ў паўднёвых і цэнтральных рэгіёнах краіны. Уведзены павышаныя меры кантролю пры транспартоўцы птушак.
Па словах кітайскіх уладаў, большасць выпадкаў заражэння грыпам - вынік кантактаў з хатняй птушкай. Часцей за ўсё гэта адбываецца на рынках ці фермах.
Цяпер улады просяць насельніцтва пазбягаць прамых кантактаў з птушкамі. Работнікаў аховы здароўя вучаць распазнаваць раннія сімптомы птушынага грыпу.
У гэтым годзе вірус менш выразна праяўляе сябе ў хатняй птушкі. Часта сімптомы застаюцца незаўважнымі. Пры гэтым у людзей захворванне працякае ў больш цяжкай форме і часцей, чым раней, прыводзіць да смерці.
Чатыры гады таму ў Кітаі адбылася буйная ўспышка птушынага грыпу, якая забрала жыцці некалькіх дзясяткаў чалавек.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
