Міністр інфармацыі Лілія Ананіч заклікала кіраўнікоў СМІ больш актыўна выкарыстоўваць інавацыйныя падыходы пры правядзенні падпісных кампаніяў. Сёння яна прымала ўдзел у пасяджэнні калегіі галоўнага ўпраўлення ідэалагічнай работы, культуры і па справах моладзі Гомельскага аблвыканкама.
Лілія Ананіч канстатавала стабільную працу друкаваных СМІ, у прыватнасці, рэгіянальных. Разам з тым, адзначыла яна, 2016 год замацаваў негатыўную тэндэнцыю падзення падпіскі на дзяржаўную перыёдыку. "Падзенне тыражоў - агульнасусветная тэндэнцыя, аднак нельга плыць па плыні, звужаючы інфармацыйнае поле дзяржаўнай інфармацыі. Зразумела, што падпіска не можа быць прымусовай, але яе можна актывізаваць. Варта разгортваць працу, выкарыстоўваючы інавацыйныя падыходы: падпіска па інтэрнэце, аплата з дапамогай АРІП. Мы ўсё гэта ўмеем, проста трэба больш актыўна ўкараняць", - лічыць яна.
Лілія Ананіч таксама заклікала СМІ больш актыўна развіваць рэгіянальнае радыёвяшчанне. Таксама міністр лічыць, што журналістам варта весці больш аргументаваны дыялог з чытачом са старонак газет. На яе думку, настаў той час, калі варта ацаніць эфектыўнасць працы кожнага СМІ, асабліва сегмент малатыражных, галіновых газет, наколькі яны адпавядаюць задачам дзяржаўнай інфармацыйнай палітыкі. Яна таксама канстатавала, што сёння рэгіянальныя СМІ сталі больш актыўна адгукацца на тэмы, якія транслюе вядучае інфармацыйнае агенцтва краіны.
Лілія Ананіч выказала ўпэўненасць, што беларускім СМІ пад сілу выканаць усе пастаўленыя дзяржавай задачы і заклікала калектывы нарошчваць намаганні.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
