У Віцебскай вобласці, згодна з рашэннем органаў мясцовай улады, прыблізна 140 чалавек вызваленыя ад выплаты збору на фінансаванне дзяржаўных выдаткаў. Гэта было зроблена ў сувязі з цяжкай жыццёвай сітуацыяй.
У абласным цэнтры з гэтай жа прычыны задаволілі просьбы прыблізна 40% гараджан, якія звярнуліся ў органы ўлады. Як паведамілі ў гарвыканкаме, было больш за 300 зваротаў, з якіх прыкладна трэць разгледзелі. Адпаведная камісія індывідуальна падыходзіць да кожнай сітуацыі. Калі з аб'ектыўных прычын чалавек не мог зарабляць, яму ідуць насустрач. Напрыклад, калі грамадзянін хварэў або даглядаў хворае дзіця, састарэлых бацькоў. Падтрымліваюць і мам-адзіночак, тых, хто пасля воінскай службы не змог уладкавацца на працу, як і пасля вучобы.
Усяго, паводле інфармацыі інспекцыі Міністэрства па падатках і зборах па Віцебскай вобласці, каля 61,4 тысяч чалавек атрымалі паведамленні з інфармацыяй пра неабходнасць удзелу ў фінансаванні дзяржаўных расходаў. Прыкладна кожны пяты змог даказаць, што не абавязаны выплачваць збор. Гэта, як правіла, тыя, хто знаходзіўся за мяжой, працаваў па працоўных дагаворах, гадуе дзяцей.
Аляксандр ПУКШАНСКІ
Мерапрыемства праводзіцца на добраахвотнай аснове.
Не выявіць ні секунды абыякавасці.
