Менавіта такі незвычайны спосаб разлічыцца са штрафамі выбраў жыхар вёскі Маліноўшчына Мінскай вобласці.
Як паведамляе Ленінскі РУУС г. Мінска, чые супрацоўнікі праводзілі затрыманне, у прысядзібнай прыбудове, якая была пераабсталяваная пад міні-завод па вытворчасці спіртазмяшчальнай вадкасці, праваахоўнікі канфіскавалі больш за 2,5 тысячы літраў брагі і каля 300 літраў гатовага прадукту. Уладальнікам усяго гэтага «багацця» быў 25-гадовы непрацуючы жыхар вёскі, які, дарэчы, сам алкагольныя напоі не ўжывае. Самагонаварэннем мужчына займаўся выключна для атрымання грошай, за што неаднаразова прыцягваўся да адміністрацыйнай адказнасці. Але працягваў гнаць самагон, каб у тым ліку пагашаць раней накладзеныя адміністрацыйныя спагнанні. Вяскоўцу пагражае штраф памерам да 30 базавых велічынь. Дзейнасцю парушальніка зацікавілася і інспекцыя прыродных рэсурсаў і аховы навакольнага асяроддзя. Праводзіцца праверка.
Сяргей РАСОЛЬКА
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
