Сістэма радыяцыйнага маніторынгу Гідрамета пераведзена ва ўзмоцнены рэжым для своечасовай ацэнкі змяненняў радыяцыйнай абстаноўкі ў навакольным асяроддзі з 9 лютага, паведаміла прэс-служба Міністэрства прыродных рэсурсаў і аховы навакольнага асяроддзя.
Яна спасылаецца на паведамленні СМІ пра тое, што, «на атамнай электрастанцыі «Фламанвіль» на паўночным захадзе Францыі адбыўся выбух». Ён прагрымеў у машынным аддзяленні электрастанцыі. Па звестках афіцыйных улад, пагрозы ўцечкі радыеактыўных рэчываў няма. Тым не менш у рамках узаемадзеяння дзяржаўных гідраметэаралагічных службаў Рэспублікі Беларусь і Расійскай Федэрацыі зроблены разлікі магчымага распаўсюджвання ў выпадку пападання прадуктаў выбуху ў навакольнае асяроддзе (на перыяд з 9 па 12 лютага).
Прагноз траекторый распаўсюджвання паветраных мас на розных вышынях (500, 1500 і 3000 метраў), пабудаваны з улікам рэальных і прагназуемых сінаптычных умоў, сведчыць, што прадукты выбуху (у выпадку іх выкіду ў атмасферу) будуць распаўсюджвацца ў напрамку Атлантычнага акіяна. Такая сітуацыя не будзе ўяўляць пагрозы для тэрыторыі Беларусі.
У цяперашні час радыяцыйная абстаноўка на тэрыторыі краіны застаецца стабільнай, перавышэнняў над сярэднешматгадовымі ўзроўнямі не адзначана.
У мэтах кантролю над сітуацыяй з 9 лютага сістэма радыяцыйнага маніторынгу дзяржаўнай гідраметэаралагічнай службы Мінпрыроды пераведзена ва ўзмоцнены рэжым для своечасовай ацэнкі змяненняў радыяцыйнай абстаноўкі ў навакольным асяроддзі.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
