Вы тут

Несанкцыянаваныя звалкі можна будзе ўбачыць з космасу


Беларускія вучоныя распрацавалі сістэму аэракасмічнага маніторынгу стану тэхнагенна змененых прыродных ландшафтаў, якая дапаможа выявіць несанкцыянаваныя кар'еры і звалкі.


Крыніцай інфармацыі для яе стануць здымкі, якія атрымліваюць з беспілотных авіяцыйных комплексаў і Беларускай касмічнай сістэмы дыстанцыйнага зандзіравання Зямлі. Цяпер апошняя тэсціруецца ў трох абласцях: Віцебскай, Гомельскай і Магілёўскай. Мяркуецца, што ўжо сёлета яна пройдзе апрабацыю і будзе выкарыстоўвацца па ўсёй краіне.

Як расказала дырэктар Інстытута геалогіі Навукова-вытворчага цэнтра па геалогіі Вольга БЯРОЗКА, эксплуатаваць сістэму будуць спецыялісты абласных выканаўчых камітэтаў. Па запыце яны будуць атрымліваць здымкі пэўных тэрыторый (у прыватнасці, былых месцаў здабычы карысных выкапняў), пасля чаго будзе праводзіцца іх візуальны аналіз. Гэта дазволіць выявіць несанкцыянаваныя кар'еры і незаконныя звалкі, што ўтварыліся на іх. Паводле слоў спецыяліста, такі спосаб значна больш эфектыўны за наземныя метады, а таксама таннейшы на 40 працэнтаў.

Яраслаў ЛЫСКАВЕЦ

lyskavec@zvіazda.by

Загаловак у газеце: Пабачыць смецце з космасу

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».