Павялічаны нормы расходаў на харчаванне

Гэта замацавана пастановай Савета Міністраў ад 3 лютага 2017 года №95, паведамілі ў прэс-службе ўрада.

Дакумент уносіць змяненні ў пастанову Саўміна ад 27 красавіка 2013 года №317 «Аб нормах харчавання і грашовых нормах расходаў на харчаванне навучэнцаў, а таксама ўдзельнікаў адукацыйных мерапрыемстваў з ліку асоб, якія навучаюцца ва ўстановах адукацыі».

У прыватнасці, павялічаны грашовыя нормы расходаў на харчаванне на 5 працэнтаў ва ўстановах дашкольнай, агульнай сярэдняй, спецыяльнай адукацыі, ва ўстановах прафесійна-тэхнічнай адукацыі, а таксама ў аздараўленчых лагерах і на харчаванне ўдзельнікаў адукацыйных мерапрыемстваў з ліку асоб, якія навучаюцца ва ўстановах адукацыі.

Так, кошт харчавання ва ўстановах дашкольнай адукацыі ў залежнасці ад узросту дзіцяці і яго знаходжання ў гэтай установе складзе ў сярэднім ад Br41,14 да Br77,44 у месяц, у агульнаадукацыйных школах — у залежнасці ад узросту навучэнца і часу яго знаходжання ва ўстанове — ад Br1,5 да Br5,14.