Спатрэбіцца: 2 буйныя крамяныя яблыкі, 4 ст. л. цукру (пажадана карычневага), 2,5 ст. л. масла, 1 ч. л. молатай карыцы, 2 ст. л. аўсяных камякоў (не хуткага прыгатавання!), 1 ч. л. пшанічнай мукі, 0,25 ч. л. солі, ванільнае марозіва.
Нагрэйце духоўку да 200 °С. У місцы старанна змяшайце 2 ст. л. цукру, палову карыцы і масла. Падрыхтуйце яблыкі: ачысціце іх ад лупіны і выдаліце сарцавіну. Разрэжце кожны напалову. Зрабіце падоўжныя надрэзы на паверхні яблыкаў. Выкладзіце яблыкі на бляху, пакрыйце іх цукровай масай, якую падрыхтавалі раней. Накрыйце бляху харчовай фольгай і выпякайце ў разагрэтай духоўцы 10 хвілін. Затым выдаліце фольгу і выпякайце яшчэ 5 хвілін.
У іншай місцы змяшайце цукар, які застаўся, масла, карыцу, аўсяныя крупы, муку, соль. Прыадкрыйце раней зробленыя «кішэнькі» ў яблыках і размяркуйце атрыманую масу. Выпякайце яшчэ 10 хвілін да з'яўлення ашаламляльнага водару. Падавайце з марозівам.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
