Ужо па традыцыі ў пачатку лютага беларуская сталіца становіцца міжнароднай сталіцай свету кнігі. Так, форум, які аб'ядноўвае аматараў чытання, спецыялістаў выдавецкай галіны, пісьменнікаў з розных краін, распачынае выставачны каляндар новага года. Сёлета кніжная выстава-кірмаш сабрала ў Мінску выдаўцоў з 31 краіны, а на Міжнародны сімпозіум літаратараў, што праходзіць у яе межах, прыехалі прадстаўнікі 17 літаратур свету. Ганаровым госцем стала Злучанае Каралеўства Вялікабрытаніі і Паўночнай Ірландыі, сама ж выстава-кірмаш размясцілася ў адміністрацыйным комплексе «БелЭкспа» па адрасе: праспект Пераможцаў, 14.
Форум кніжнікаў, арганізаваны Міністэрствам інфармацыі, Мінскім гарвыканкамам, ААТ «Белкніга» і кампаніяй «Макбел», сёлета стане сапраўды знакавым. Тут мы пабачым дыялог літаратараў Усходу і Захаду, сур'ёзнай літаратуры нон-фікшн і дзіцячай забаўляльнай кнігі, тут адбудуцца важныя дзелавыя перагаворы і будуць падпісаны істотныя міжнародныя дагаворы. Адметна, што многія імпрэзы пройдуць пад знакам 500-годдзя беларускага кнігадрукавання. На працягу чатырох дзён працы выставы-кірмашу (а яна завершыцца ў нядзелю, 12 лютага) адбудзецца больш як тры сотні прэзентацый, сустрэч, аўтограф-сесій. Багатую праграму падрыхтаваў і Выдавецкі дом «Звязда».
Адметна, што многія айчынныя і замежныя выдаўцы прапануюць наведвальнікам выставы набыць кнігі са скідкай. Уваход на кірмаш традыцыйна бясплатны.
Марына ВЕСЯЛУХА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
