22 Люты, серада

Вы тут

Клас, дзе дзяцей вучаць электрабяспецы, адкрылі ў Гомелі


На базе сярэдняй школы №12 было ўладкавана спецыялізаванае абсталяванне, і цяпер тут тлумачаць карысць электрычнага тока ў быце і на вытворчасці, а таксама расказваюць пра небяспеку ўздзеяння яго на арганізм чалавека.


У школе пачалі вучыць акуратнаму карыстанню электрапрыборамі, нагадваць пра рэальную пагрозу для жыцця пры абрыве правадоў, уздыме на апоры, пранікненні ў падстанцыі і электрычныя шчыткі. Аднак папярэджанне траўматызму — не адзіная задача ініцыятараў, а гэта філіял «Энерганагляд» РУП «Гомельэнерга». Гэты праект таксама мае на мэце правядзенне ранняй прафарыентацыйнай работы, гаворыць начальнік Гомельскага абласнога ўпраўлення адукацыі Сяргей Парошын:

— Дзеці, магчыма, будуць зацікаўлены свядома паступаць у навучальныя ўстановы розных узроўняў па гэтым профілі. Актуальна гэта і тым, што ў нас актыўна развіваецца атамная энергетыка, якая дае магчымасць атрымліваць танную электраэнергію.

Прыцягваць да супрацоўніцтва плануюць і бацькоў. Новая аўдыторыя абсталявана спецыяльнымі дапаможнікамі, стэндамі і прыборамі. Тут у шосты школьны дзень будуць праходзіць факультатыўныя заняткі. Акрамя таго, у навучальнай установе плануецца арганізаваць добраахвотніцкі атрад юных інспектараў энерганагляду, удзельнікі якога пасля будуць дзяліцца карысным досведам з аднагодкамі з іншых школ.

Ірына АСТАШКЕВІЧ

іost@zvіazda.by

Загаловак у газеце: Электрабяспецы навучаць у школе

Дадаць каментар

Выбар рэдакцыі

Культура

Народны мастак Беларусі Іван Міско — пра самае запаветнае

Народны мастак Беларусі Іван Міско — пра самае запаветнае

Яго заўсёды можна знайсці ў сваёй майстэрні (цяпер майстэрні-музеі). Тут скульптар і ў выхадныя дні. 

Грамадства

Як гэта — жыць на хутары?

Як гэта — жыць на хутары?

Лісічкі за хлявом, журавіны за плотам і ўласны лес.

Грамадства

Чаму людзі вяртаюцца ў вёску?

Чаму людзі вяртаюцца ў вёску?

Спрадвеку гэта вёска знаходзілася ў месцы, дзе нярэдкімі гасцямі былі падарожнікі або гандляры. 

Грамадства

Як людзям з асаблівасцямі знайсці работу

Як людзям з асаблівасцямі знайсці работу

Яны не значацца ў спісах работнікаў, не могуць стаць на ўлік у службах занятасці.