Вы тут

У сталічнай падземцы запрацаваў мабільны 3G-інтэрнэт


У сталічнай падземцы запрацаваў мабільны 3G-інтэрнэт ад мабільнага аператара МТС па тэхналогіі UMTS-900. Сігнал базавых станцый, устаноўленых на платформах метро, стаў яшчэ далей пранікаць у тунэлі. Пасажыры вагонаў з ліку абанентаў МТС цяпер менш часу знаходзяцца па-за зонай доступу і могуць загружаць інтэрнэт-даныя і здзяйсняць званкі, пакуль цягнік адпраўляецца або набліжаецца да станцыі.


Тэхналогія UMTS-900, якая актыўна развіваецца ў Беларусі ўжо год, валодае дзвюма ключавымі ўласцівасцямі: мае вялікую зону распаўсюджвання і лепшую пранікальную здольнасць з-за меншага згасання сігналу. Напрыклад, у сельскай мясцовасці тэхналогія UMTS-900 дазваляе павялічыць плошчу 3G-пакрыцця, а ў гарадах — палепшыць перадачу даных унутры будынкаў. У метро абедзве гэтыя ўласцівасці прымяняльныя адначасова, што пацвярджае вопыт інжынераў МТС з Масквы і Санкт-Пецярбурга, дзе ўжо выкарыстоўваюць тэхналогію UMTS-900 у метро.

Кампанія МТС атрымала дазвол на выкарыстанне стандарту UMTS-900 ад Дзяржаўнай камісіі па радыёчастотах год таму. Запуску новай тэхналогіі папярэднічаў этап тэсціравання, пасля якога аператар пачаў актыўна ўкараняць UMTS-900 па ўсёй краіне.

Надзея НІКАЛАЕВА

nіkаlаеvа@zvіаzdа.bу

Загаловак у газеце: У метро — без паўзаў у сувязі

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.