Вы тут

Бацькоўскім камітэтам забаранілі збіраць грошы ў школах


На Нацыянальным прававым інтэрнэт-партале была апублікавана пастанова Міністэрства адукацыі №126, у якой тлумачыцца новы парадак прыцягнення сродкаў.


У Міністэрстве адукацыі пракаментавалі гэты дакумент: «Бацькоўскім камітэтам ніколі і не дазвалялася збіраць грошы з бацькоў. З гэтай нагоды заўсёды паступала шмат пытанняў і скаргаў. Цяпер усе сродкі на патрэбы школы будуць збіраць папячыцельскія саветы. Бацькі не павінны аддаваць наяўныя грошы ў рукі прадстаўнікоў папячыцельскага савета. Усе сродкі павінны пералічвацца на разліковы рахунак школы або гімназіі».

У дакуменце дакладна вызначана, што садзейнічанне ў развіцці матэрыяльна-тэхнічнай базы ўстаноў адукацыі з'яўляецца адной з задач папячыцельскага савета ўстановы адукацыі. Пры гэтым члены бацькоўскага камітэта ўстановы адукацыі, кіраўнікі ўстановы адукацыі ўзгадняюць напрамак, памеры і парадак выкарыстання сродкаў папячыцельскага савета. Змены ўступаюць у сілу з 20 студзеня 2017 года.

Надзея НІКАЛАЕВА

nіkаlаеvа@zvіаzdа.bу

Загаловак у газеце: Бацькоўскае «спонсарства» — толькі безнаяўнымі грашыма

Дадаць каментар

Выбар рэдакцыі

Грамадства

Надзея для Вары

Надзея для Вары

Калi хварэюць блiзкiя, гэта заўсёды гора, але няма гора большага, чым калi хварэюць дзецi. 

Грамадства

Андрэй Раўкоў: Я не марыў быць генералам

Андрэй Раўкоў: Я не марыў быць генералам

Мiнiстр абароны — пра складаны шлях да генеральскiх пагонаў, перспектывы развiцця беларускай армii i мiрнае неба над галавой.