Вы тут

Полацк — новая маладзёжная сталіца


Маладзёжнай сталіцай Беларусі ў 2017 годзе па выніках рэспубліканскага конкурсу абраны Полацк. Усяго на гэта званне прэтэндавалі 11 гарадоў краіны, а ў фінале спаборнічалі чатыры.


У Міністэрстве адукацыі агучылі асноўныя крытэрыі, па якіх ацэньваліся прэтэндэнты: гэта колькасць моладзі, інфармацыя аб рэалізацыі маладзёжнай палітыкі за 2016 год, добраўпарадкаванне тэрыторыі горада, наяўнасць сацыяльнай інфраструктуры, магчымасці для баўлення маладымі людзьмі вольнага часу, заняткаў спортам, адпачынку, праекты маладзёжных мерапрыемстваў, запланаваныя на 2017 год. Па ўсіх пунктах выйграў Полацк.

Першыя тэматычныя мерапрыемствы пройдуць у горадзе ў канцы студзеня. На працягу года Полацк стане пляцоўкай для рэспубліканскіх і міжнародных маладзёжных мерапрыемстваў: фестываляў, акцый, праектаў, сустрэч, канферэнцый. У іх возьмуць удзел прадстаўнікі навучэнскай, студэнцкай і працоўнай моладзі як з Беларусі, так і з краін блізкага і далёкага замежжа.

Конкурс «Маладзёжная сталіца Беларусі» праводзіцца другі год запар з мэтай стварэння ўмоў для самарэалізацыі моладзі, выяўлення новых ідэй і ажыццяўлення інавацыйных праграм, звязаных з удзелам моладзі ў палітычным, эканамічным і культурным жыцці краіны.

Першай маладзёжнай сталіцай быў выбраны горад Баранавічы. За год у ім прайшло больш як 130 мерапрыемстваў раённага, рэспубліканскага і міжнароднага маштабу: міжнародны студэнцкі форум «Я кажу «Так!», рэспубліканскі конкурс «Лідар года», рэспубліканскі адкрыты дыялог «Роля моладзі ў развіцці краіны» і іншыя.

Арганізатарам і ідэйным натхняльнікам конкурсу выступае Міністэрства адукацыі.

Надзея НІКАЛАЕВА

nіkаlаеvа@zvіаzdа.bу

Выбар рэдакцыі

Грамадства

АЭС у Астраўцы гатова да імітацыі работы ядзернага рэактара

АЭС у Астраўцы гатова да імітацыі работы ядзернага рэактара

Першы энергаблок Беларускай АЭС гатовы на 95 %, другі — на 70 %. 

Грамадства

У Мінску прайшоў фінал ІV Рэспубліканскага конкурсу «Сям'я года»

У Мінску прайшоў фінал ІV Рэспубліканскага конкурсу «Сям'я года»

Самыя актыўныя і пазітыўныя шматдзетныя сем'і з усіх абласцей краіны сабраліся ў сталічным Палацы культуры прафсаюзаў.

Грамадства

Фітнес-трэнер для матуль у дэкрэце Святлана Немірка распавядае пра сакрэты прафесіі

Фітнес-трэнер для матуль у дэкрэце Святлана Немірка распавядае пра сакрэты прафесіі

Актыўная мама — гэта не толькі трэнд, але і жыццёвая неабходнасць у сучасным свеце.

Грамадства

«Тата вернецца, калі ападуць усе лісцікі». Чаму сямейная падтрымка неацэнная для салдата

«Тата вернецца, калі ападуць усе лісцікі». Чаму сямейная падтрымка неацэнная для салдата

Трывалая сувязь з блізкімі і роднымі вельмі важная для чалавека, які служыць у войску.