Акцыя накіравана на падтрымку здольнай моладзі і развіццё алімпійскіх відаў спорту.
На ўрачысты сход у Брэсцкім гарвыканкаме сабраліся 94 прадстаўнікі двух дзясяткаў відаў спорту ва ўзросце да 14 гадоў. Усе яны летась паказалі высокія вынікі на абласных, рэспубліканскіх і міжнародных спаборніцтвах. Юных спартсменаў віталі вядомыя майстры: Юлія Несцярэнка, Тамара Самахвалава-Давыдзенка, Андрэй Макараў, Віктар Братчэня. Усе яны разам з кіраўнікамі прадстаўніцтва Нацыянальнага алімпійскага камітэта ў Брэсцкай вобласці пажадалі юным талентам неўзабаве парадаваць землякоў алімпійскімі медалямі.
Намеснік старшыні аблвыканкама Алег ВЯЛІЧКА назваў імя ўладальніка Гран-пры акцыі. Ім стала Настасся Шкурдай, якая займаецца ў Брэсцкім абласным цэнтры алімпійскага рэзерву па водных відах спорту з трэнерам Вольгай Ясеновіч. У свае няпоўныя 14 гадоў Насця з'яўляецца шасціразовай пераможцай Міжнароднага турніру па плаванні Mad Wave Challenge, бронзавым прызёрам Кубка Беларусі па плаванні, а таксама шасціразовай чэмпіёнкай Алімпійскіх дзён моладзі Рэспублікі Беларусь. Дзяўчына атрымала крышталёвы прыз акцыі, а таксама падарункі, сярод якіх кніга з аўтографамі знакамітых спартсменаў Брэстчыны.
Святлана ЯСКЕВІЧ
Фота Валерыя КАРАЛЯ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
